Óscar parece que está a conseguir, por fin, estabilidade emocional. Xunto a todos os seus amigos, por fin poñen en marcha o seu grupo «Non é xusto», para tratar de apoiar e dar axuda a todos o adolescentes LGTBI do instituto, onda o seu profesor Solero como conselleiro.
Aínda que segue traballando cos seus problemas de ansiedade, todo parece ir a mellor na vida de Óscar desde que o seu pai marchou da cidade e el vive temporalmente coa súa tía Aurora, abertamente lesbiana, e que o está a axudar todo o posible no seu camiño á madurez.
Pablo e máis el teñen unha relación preciosa e de conto de fadas case, pero a aparición dun antigo amigo de Pablo e dun mozo anónimo que non deixa de escribir mensaxes a Óscar, poñerá a proba a súa relación máis que nunca.