Que lean! É importante que os nenos e as nenas lean libros en papel. Que se mergullen neles e que debuxen, subliñen e dobren as súas páxinas. Que atesouren libros, que acudan ás bibliotecas e que asistan a clase sen artefactos tecnolóxicos fronte a eles. Centos de estudos demostran que a lectura por pracer ten un impacto único na aprendizaxe cognitiva dos nenos. Fomenta a linguaxe, os coñecementos xerais, a creatividade, a atención, a escritura, a expresión oral, a autocomprensión e a empatía. Non hai ferramenta máis útil para o desenvolvemento cerebral que un libro.
Fronte aos efectos desastrosos das pantallas, Michel Desmurget, un dos neurocientíficos de referencia neste campo e a voz que máis tempo leva alertando dos efectos perniciosos das pantallas no cerebro infantil, propón un enfoque optimista con solucións concretas para evitar que os nosos fillos e fillas convértanse en cretinos dixitais. Este libro dirixido a pais e mestres proporciona información para comprender o impacto da lectura no desenvolvemento intelectual, emocional e social dos nenos, e daralles ferramentas para cultivar o hábito da lectura na súa educación.